एकातिर  सन्तानको जन्मले नारीलाई आफ्नो बैबाहिक जीवनको स्थायित्व प्रति गराउने सुरक्षाको अनुभूती र अर्कोतिर एक भन्दा बढी सन्तानकी आमाले उनीहरुको स्याहार सुसारमा दिनु पर्ने अतिरिक्त समय र ध्यानको कारणले कहिले कहिँ नारीलाई आबस्यकता भन्दा बढी आत्मकेन्द्रित बनाउन सक्छ !साथै नारीहरुमा आर्थिक आत्म निर्भरताका गतिबिधि हरु र शिक्षाको कमि भएको हाम्रो जस्तो समाजमा दाम्पत्य को महत्वपूर्ण उद्देश्य सन्तान उत्पादन भएको हुदा यसको समाप्तिपछि आफ्नो अस्तित्वको प्रयोजन तिनीहरुलाई हुर्काउनु अनि  जीवनको उत्तरार्धमा कर्मकाण्डमा सहभागी हुनु मात्र भएको ठान्ने थुप्रै महिला छन यस्तो परिस्थितिबस आफ्नो अहम र यथार्थबीच यौटा सम्झौता स्थापित गरेर बसेको पुरुषको यो सौहार्द्रताप्रति कृतज्ञता भाव ब्यक्त गर्नुको साटो त्यसलाई उसको स्वाभाविक नियतीको रूपमा लिएर उ प्रति उपेक्षा भाव राखेको महसूसa पुरुषलाई हुन गयो भने पुरुषमा यौटा कटुता उत्पन्न हुन सक्छ !अधबैसे पुरुषको अर्थ सामाजिक आबस्यकता वा  महत्वाकाक्षालाइ साथ दिन पनि पुरुषलाई नारीको साथ र समर्थनको जरुरत हुन्छ !यस्तो बेलामा उसले सबभन्दा पहिले आफ्नी जीवन संगिनी प्रति बिश्वास साथ अपेक्षा राख्नु  स्वाभाविक हुन्छ !