सक्रिय जीवनको कुनै पनि क्षणमा मानिस आफ्नो भाग्यमा अपत्यासित मोड आउने परिकल्पनाबाट मुक्त भएर रहन सक्दैन ! यस्तै अप्रत्यासित मोडको आसलेनै उसलाई नया नया प्रयोग गरिरहने शक्ति पनि दिन्छ ! नारीको तुलनामा पुरुष कम मेहनतबाट बढी प्रतिफल आउने काल्पनिक क्षणको प्रतिक्षामा सधै रहन्छ ! नारी आफुसंग जे छ ,त्यसैबाट सन्तुष्ट रहने र भएकै कुरा हरुलाई सजाएर सुन्दर रचना गर्न बढी अभ्यस्त हुन्छे !

आत्मसम्मान र आत्मविश्वासयुक्त सरलता , विनय र नम्रता प्रेमका परिचयात्मक विशेषता हुन् ! अराजक भए पनि प्रेमको आफ्नै विशिष्ट अनुसाशन हुन्छ !जब प्रेम यो अनुसाशन पनि तोडेर एकोहोरो र तर्करहित अन्ध समर्पणमा परिणत हुन्छ ,अनि त्यो प्रेम मात्र रहदैन ! भक्तिमा रूपान्तरण हुन्छ !