नभए तिमी रगतको एक एक थोपाभित्र,
तन मात्र फुर्किदैन मनमा नभए त्यो चित्र !
किन आसुमा झरेको हासोमा रम्न आऊ,
मनको सुरम्य बागमा तिमी आफ्नो फूल फुलाउ !

नभए तिमी यो स्वासको एक एक तानभित्र,
झंकार त्यसै हुदैन नचलाई वाद्ययन्त्र !
ओझेल किन परेको उज्यालोमा नाच्न आऊ,
मनको सुरम्य बागमा तिमी आफ्नो फूल फुलाउ !

नभए तिमी मुटुको एक एक चालभित्र,
धक धक त्यसै हुदैन लय बोकी यो बिचित्र !
किन अन्तरमा लुकेको प्रकट भएर आऊ,
मनको सुरम्य बागमा तिमी आफ्नो फूल फुलाउ !