यो देशका जनता सहनशील छन भन्दैमा
प्रजातन्त्र मन पराउने उदार छन भन्दैमा
नसोच तिनको स्वाभिमान कमजोर छ भनेर
नेपाल कसैको लहडको प्रयोगशाला भनेर ।

खुकुरि बोक्ने यी हुन किनलक भगाउने यी हुन
खाना पानी नै नपिई दुश्मन थर्काउने यी हुन
नसोच कसैको चतुर्याईले झुक्याउन सक्छ भनेर
बुझ अरूको झेलको मिति अब छोटो छ भनेर ।

आफ्नै संस्कृति प्यारो आफ्नै ईतिहास छ तिनको
स्वतन्त्रभै बसेको आफ्नै गौरव छ तिनको
काफी छैन कसैको रमझम लोभ्याउन तिनलाई
माया चाहन्छन सबको माया गर्छन ती सबैलाई ।