आजभोली एकान्तमा बस्न मनपराउँछु
आफैंबाट आफू कतै लुक्न मनपराउँछु
जीवनको कथा ओठले सुसेलेर बोल्ने
सपनाको जस्तै तिम्रो रूप मनपराउँछु ।।

माला बनाई दुबै हातले लहराझैं बेर्दै
झरनाको पानी पिउँदा कम्मर मर्काउँदै
भिज्यो चोली चुहिएको पानी तर्किएर
त्यो चोलीमा नजर मार्ने आँखा मनपराउँछु ।

आँखाजुध्ने डरले होला नहेरेझैं गर्ने
नजर बचाई दुनियाको किन आँखा तर्ने
कामे ओठ थर्क्यो बदन लोभी हेराईले
त्यै हेराईमा पग्लिएर बग्न मन पराउँछु ।